कोरोना भाइरसको प्रकोप फैलिरहेको बेलामा विश्वभर नै स्वास्थ्य सामाग्रीको अभाव भइरहेको बेलामा भारतमा भने एक जनाले सुनको मास्क प्रयोग गरिरहेका छन् । भारतको पुणेका शंकर कुराडेले करिब ३ लाख रुपैयाँ खर्चेर सुनको मास्क बनाएका हुन् ।

यसअघि भारतकै महाराष्ट्रस्थित कोल्हापुरको एक व्यक्तिले चाँदीको मास्क बनाएर सामाजिक सञ्जालमा भाइरल भएपछि आफूलाई पनि रहर जागेको भन्दै सुनको मास्क बनाएको उनले बताएका छन् ।

विश्वभर नै कोरोनाको फैलिएको बेलामा मास्क लगाउने मानिसहरुको भीड देखिइरहेका बेला शंकरले लगाएको सुनको मास्कको तस्बिरले सबैलाई आकर्षित गरेको छ । यो मास्क कोरोनाबाट बच्नभन्दा पनि प्रदर्शनका लागि बनाइएको जनाइएको छ । (एजेन्सी)

प्रकाशित समय ०६:५३ बजे