गृहपृष्ठ भारतका पूर्वप्रधानमन्त्री बाजपेयीको स्वास्थ्य अवस्था ‘गम्भीर’

भारतका पूर्वप्रधानमन्त्री बाजपेयीको स्वास्थ्य अवस्था ‘गम्भीर’

bajpaiye-newskarobar तस्बिर : गुगल

 

भारतका पूर्वप्रधानमन्त्री अटल बिहारी बाजपेयीको स्वास्थ्य अवस्था गम्भीर भएको दिल्लीस्थित अखिल भारतीय आयुर्विज्ञान संस्थान (एम्स) ले जनाएको छ । बुधबार साँझ सो अस्पतालले बाजपेयीको स्वास्थ्य अवस्था पछिल्लो २४ घण्टामा निकै गम्भीर देखिएको जनाएको हो । उनी विगत ९ हप्तादेखि सोही अस्पतालमा उपचाररत छन् ।

बाजपेयीलाई जीवन रक्षक प्रणालीमा राखिएको अस्पतालले जनाएको छ । बुधबार राति नै भारतका प्रधानमन्त्री नरेन्द्र मोदीसहित केही मन्त्रीहरु अस्पताल पुगेर बाजपेयीको स्वास्थ्य अवस्थाबारे जानकारी लिएका थिए ।

बाजपेयी भारतको सत्तारुढ दल भारतीय जनता पार्टीका संस्थापकमध्येका एक हुन् । ९३ वर्षीय बाजपेयी तीन पटक भारतको प्रधानमन्त्री भइसकेका छन् ।

प्रकाशित समय १५:५८ बजे

प्रतिक्रिया दिनुहोस्

सम्बन्धित शीर्षकहरु