कम्पनीहरुले कर तिर्न सहमति जनाएपछि बुधबारदेखि प्याराग्लाइडिङमा कुनै अवरोध नहुने भएको छ ।

पोखरा महानगरपालिकाले कर नतिर्ने उपर कारवाही स्वरुप बुधबारदेखि प्याराग्लाइडिङ उडानमा रोक लगाउने चेतावनी दिएको केही घण्टामै व्यवसायीले महानगरसँग वार्ता गरी तिर्न राजी भएको बताइएको छ । प्याराग्लाइडिङ कम्पनीहरुले स्थानीय निकायलाई ४ बर्षको एकै पटक कर तिर्न सहमति भएका छन् । छलफलमा पोखरा महानगरपालिका र हवाई खेलकुद संस्था ना, नेपाल प्याराग्लाइडिङ तथा ह्याण्ड ग्लाइडिङ संघ (नेफा) बसेका थिए । एक हप्ता भित्र २०७२÷७३ देखि हालसम्म ४ वर्षको कर स्थानीय सरकारलाई तिर्ने सहमति बनेको पोखरा महानगरका मेयर मानबहादुर जिसीले जानकारी दिए ।

पोखरामा हाल ६३ वटा प्याराग्लाइडिङ कम्पनीहरु रहेका छन् ।

प्रकाशित समय ०९:०७ बजे