भारतको धार्चुलास्थित बलुवाकोट शिविरको क्वारेन्टिनमै किरिया बसेका दार्चुलाका ३४ वर्षीय बासुदेव भट्ट नेपाल फर्किएका छन् । घरमा आमाको निधन भए पनि लकडाउनका बेला सीमा बन्द हुँदा उनी भारतीय क्वारेन्टिनमै आमाको किरिया बसेका थिए ।

दार्चुलाका सहायक प्रमुख जिल्ला अधिकारी तेजसिंह कुँवरका अनुसार आइतबार २ बजेतिर भट्टलाई नेपाल ल्याइएको हो । भारतीय सुरक्षा अधिकारीले किरियापुत्री भट्टलाई महाकाली पुलको ढोका खोलेर नेपाली समकक्षीसमक्ष हस्तान्तरण गरेका हुन् ।

गत फागुनमा मजदुरी गर्न भारत पुगेका भट्ट लकडाउनपछि उतै अलपत्र परेका थिए । दार्चुला शैल्यशिखर नगरपालिका- १ स्थित घरमा उनकी आमाको गत मंगलबार साँझ हृदयघातका कारण निधन भएको थियो ।

भट्टलाई नेपाल ल्याउने प्रक्रियागत ढिलाइका कारण पाँच दिनपछि मात्र उनी नेपाल आउन पाएका हुन् । भट्टको र्‍यापिड टेस्टपछि प्रहरीले घर पुर्‍याइदिने सहायक प्रजिअ कुँवरले जानकारी दिए ।

प्रकाशित समय १६:२७ बजे