हुण्डी कारोवार गरेको आरोपमा २० लाख रुपैयाँ नगद सहित एक बृद्ध पक्राउ परेका छन् । काठमाडौंस्थित नयाँ बजारमा श्रोत नखुलेको हुण्डी कारोवार (समानान्तर बैकिङ कारोबार) को रकमका साथमा ७२ को बालकृष्ण भण्डारीलाई नियन्त्रणमा लिइएको महानगरिय प्रहरी परिसर काठमाडौंले जानकारी दिएको छ ।

बुधबार दिउँसो उनलाई नयाँ बजारमा हिड्दै गरेको अवस्थामा नियन्त्रणमा लिएको हो । नयाँ बजारमा चेकप्वाईन्ट राखी चेकजाँच गर्दै जाँदा भण्डारीलाई नियन्त्रणमा लिइएको प्रहरी नायन उपरिक्षक मोहनकुमार थापाले जानकारी दिए ।

उनको साथबाट सामसोङ्ग कम्पनीको मोवाईल एक थान फेला परेको छ । उक्त रकम र व्यक्तिका बारेमा थप अनुसन्धान भइरहेको प्रहरीले जनाएको छ ।

प्रकाशित समय १८:५८ बजे