कञ्चनपुरको कृष्णपुर नगरपालिका लालझाडीको अम्खैया खोलानजिकै जङगलमा एक युवतीको कंगाल भेटिएको छ । उक्त कंगाल कृष्णपुर ८ शान्तिपुरकी कविता बिष्टको भएको उनका आफन्त लोकेन्द्र बिष्टले जानकारी दिए ।

करिब ६ दिन अघिदेखी उनी बेपत्ता थिईन् । आइतबार राति उनका आफन्त र प्रहरी टोलीले उक्त कंगाल फेला पारेका हुन् । कविता गेटाको सरस्वती माविमा अध्ययनरत विद्यार्थी हुन् । उनी अत्तरिया सामान किन्न आएको बेला कृष्णपुर वाणीका स्थानीय मदन गिरीले जबर्जस्ती बाइकमा लगेको परिवारको आरोप रहेको छ ।

मदन गिरीलाई प्रहरीले आइतबार राति नै झलारीबाट पक्राउ गरेको छ । मदनले नै उक्त कंगाल भएको ठाउँ देखाएको कविताका आफन्तले बताएका छन । कविताको बलत्कारपछि हत्या गरीएको हुन सक्ने प्रहरीले आशंका गरेको छ । के कारणले हत्या गरिएको हो भन्ने कुरा खुल्न सकेको छैन ।

प्रकाशित समय ०९:०७ बजे