कञ्चनपुरकी बालिका निर्मला पन्तको बलात्कारपछि हत्या भएको ७४ दिन भइसक्दा पनि सरकारले हत्यारा पत्ता लगाउन नसकेको भन्दै सुदूरपश्चिम नागरिक समितिले सरकारलाइ दबाब दिने भएको छ । सुदूरपश्चिम सरोकार मञ्च, देउडा समाज, पश्चिम महिला जागरणसहित १५ संस्थाले संयुक्त रुपमा दबाब कार्यक्रम गर्ने भएका छन् ।

प्रहरीले प्रमाण नष्ट गरेको जानकारी भए पनि सरकारले उनीहरुलाइ कारबाही नगरेको अनेराश्वियुका सचिव ऐन महरले बताए । हत्यारा छानविनका लागि पाँच पटक उच्चस्तरीय समिति गठन भए पनि कुनै प्रतिवेदन सार्वजनिक नभएको उनले बताए । महरले प्रहरी महानिरीक्षक सर्वेन्द्र खनालको राजिनामा मागिएकोप्रति त्यो उचित नभएको बताए ।

पोखरामा बलात्कार भएको छ घण्टामा अपराधि पत्ता लागेको तर कञ्चनपुरमा भएको घटनाको चाँही ७४ दिन सम्म पनि पत्ता नलगाएकाले कञ्चनपुरलाइ सरकारले अपहेलना गरेको महिला अधिकारवादी शारदा चन्दले आरोप लगाइन । बलात्कारका घटना सामाजिक घटना भएकाले राजनितिक घटनासँग जोडेर गृहमन्त्रीको राजिनामा माग्ने काम उचित नभएको संसद प्रदीप भट्टले बताए ।

प्रकाशित समय १७:२४ बजे