लाईफ इन्स्योरेन्स कपोरेशन (नेपाल) लिमिटेडले दिवंगत संस्कृति, पर्यटन तथा नागरिक उडड्यन पर्यटन मन्त्री रविन्द्र अधिकारीको मृत्यु दाबी रकम १२ लाख ६९ हजार भुक्तानी गरेको छ । उनको निवास पोखरा पर्साङमा पुगेर एलआईसी नेपालको एक टिमले कम्पनिको नियम अनुसार ताप्लेजुङमा हेलिकोप्टर दृर्घटनामा परी मृत्यु भएका मन्त्री अधिकारीको परिवारजनलाई बिमाको मृत्यु दाबी रकम १२ लाख ६९ हजार ५ सय रुपैया भुक्तानी गरेको हो ।

मन्त्री अधिकारीको ताप्लेजुङमा हेलिकोप्टर दृर्घटनामा परी मृत्यु भएका कारण उक्त रकम बराबरको चेक उनकी धर्मपत्नी बिद्या भट्टराईलाई पोखराका शाखा प्रमुख गिरीराज घिमिरेले हस्तान्तरण गरेका हुन् । ८ बर्ष अघि ५ लाखको जिवन आनन्द नामको जीवन बिमा अभिकर्ता रघुनाथ भण्डारी मार्फत मन्त्री अधिकारीले बिमा गरेको कम्पनीले जनाएको छ ।

जीवन बिमा धारकको असामहिक निधन वा दुर्घटनाबाट मृत्यु भएकोले बिमाको कानुनि व्यबस्था अनुसार ५ लाखको बिमामा दुर्घटना ५ लाखकै हालसम्मको बोनस गरी उक्त रकम हस्तान्तरण गरिएको एजेन्सी म्यानेजर केदारनाथ अधिकारीले बताए । भूकम्पको समयमा पनि कम्पनीले बिमा गर्ने व्यक्तिहरुका आफन्तलाई मृत्यु दाबी रकम छोटो समयमै उपलब्ध गराएको थियो भने मन्त्री अधिकारीको समयमा समेत मृत्यु दाबी रकम छिटो उपलब्ध गराएको कम्पनीको दाबी छ ।

साथै कार्यक्रममा मन्त्री अधिकारीको निधनको घटना प्रति दुःख व्यक्त गर्दै समवेदना प्रकट गरिएको एजेन्सि म्यानेजर गोविन्द खड्काले बताए । मन्त्री अधिकारीको भोलि मंगलबार ७ दिनमै कृयाकर्म सकिने भएको छ । साथै उक्त दिनमै सुद्धासुद्धि हुने भएको उनका आफन्तले जनाएका छन् ।

प्रकाशित समय १५:०९ बजे