रष्ट्रिय जनता पार्टी (राजपा) ले प्रतिनिधि सभाको बैठक अवरुद्ध गरेको छ । बुधबार बैठक सुरु भए लगत्तै राजपाले गिरिशचन्द्र लाल नेतृत्वको न्यायिक आयोगको प्रतिवेदन सार्वजनिक गर्न माग गर्दै संसद अवरुद्ध गरेको हो ।

बुधबार संसदको बैठक सुरुभए लगतै राजपा सांसदहरुले उठेर विरोध गरेपछि सभामुख कृष्णबहादुर महराले राजकिशोर यादवलाई बोल्न समय दिए । यादवले प्रतिवेदन सार्वजनिक नभएसम्म संसद चल्न नदिने बताए ।

राजपा सांसदहरु उठिरहेपछि बैठक १० मिनेटका लागि स्थगित गरिएको छ । मधेश तथा थरुहट आन्दोलनका क्रममा भएका घटनाको सम्बन्धमा न्यायिक छानविनका लागि सरकारले लालको नेतृत्वमा छानविन आयोग गठन गरेको थियो ।

प्रकाशित समय १२:५८ बजे