नेत्र विक्रम चन्द विप्लव समूह निकट अखिल नेपाल शिक्षक संगठन कपिलवस्तुका अध्यक्ष राम निवास चौहानलाई प्रहरीले पक्राउ गरेको छ ।

कपिलवस्तुको मायादेवी गाँउपालिका पकडीमा रहेको छत्रपाली त्रिर्थादेवी माध्यमिक विद्यालयमा विद्यार्थीलाई एसईई को परीक्षाका लागि ल्याएको समयमा चौहानलाई प्रहरीले पक्राउ गरेको हो । जिल्ला प्रहरी कार्यालय कपिलवस्तुका प्रहरी नायव उपरीक्षक रवि रावलले विप्लवका कार्यकताहरु समाउन विभिन्न ठाउँमा प्रहरी परिचालन गरिएको बताए पनि पक्राउको बारेमा भने जानकारी दिन मानेनन् ।

अध्यक्ष चौहान कपिलवस्तुको जनता माध्यामिक विद्यालय बलुहवाका प्रधानाध्यापक हुन् । इलाका प्रहरी कार्यालय पकडीको टोलीले चौहानलाई पक्राउ गरी जिल्ला प्रहरी कार्यालय तौलिहवा पठाएको बताइएको छ ।

प्रकाशित समय ११:४६ बजे