नयाँ शक्ति पार्टी, नेपालका संयोजक एवम् प्रतिनिधिसभा सांसद डा. बाबुराम भट्टराईले हावाहुरी पीडितलाई राहतस्वरुप १५ दिनको तलब दिने भएका छन् । पार्टीपंक्तिमा तीन बुँदे सर्कुलर गर्दै बारा र पर्सा जिल्लाका हावाहुरी पीडितका लागि पूर्वप्रधानमन्त्री भट्टराईले आधा महिनाको तलब दिने बताएका हुन् ।

उनले प्रभावित जिल्लाका नागरिकको उद्धार, राहत र पुनःस्थापनामा तन, मन र धनले लाग्न पार्टी पंक्तिलाई आह्वान पनि गरेका छन् । ‘बारा–पर्सामा भीषण आँधिबेहरीले पुर्याएको अकल्पनीय क्षतिप्रति हाम्रो पार्टी अत्यन्त दुखित छ र विपत्तिमा परेका जनताको उद्धार, राहत र पुनःस्थापनामा सम्पूर्ण पार्टीपंक्ति तन, मन र धनले लागी पर्न जरूरी छ ।’

प्रकाशित समय ११:१६ बजे