सरकारले चीन सरकारबाट प्राप्त हुने एक अर्ब युआन आर्थिक सहायता स्वीकार गर्ने भएको छ ।

बिहीबार मन्त्रिपरिषद् बैठकको निर्णय सार्वजनिक गर्दै सञ्चार तथा प्रविधिमन्त्री गोकुल बाँस्कोटाले चीनले दिने एक अर्ब युआन अर्थात् करिब १६ अर्ब ८० करोड रुपैयाँ सहायता स्वीकार गर्ने निर्णय गरिएको जानकारी दिए ।

मन्त्रिपरिषद् बैठकले नेपाली सेनाका उपरथी गौरव तण्डुललाई रथीमा, प्राविधिक सहायक रथी डा. सुनिलकुमार सिंहलाई प्राविधिक उपरथीमा बढुवा गरेको छ ।

अन्य पाँच जना महासेनानीहरूलाई सहायक रथी दर्जामा पदोन्नती गरिएको मन्त्री बाँस्कोटाले जानकारी दिए ।

प्रकाशित समय ०८:२१ बजे