गृहकार्य नगरेको निहुँमा एक १४ वर्षीय विद्यार्थीलाई कुटपिट गरी घाइते बनाएको आरोपमा पोखराका एक शिक्षक मंगलबार पक्राउ परेका छन् । उक्त आरोपमा पोखरा–२५ को हेम्जा आवासीय विद्यालयका शिक्षक श्रीराम त्रिपाठीलाई पक्राउ गरिएको कास्की जिल्ला प्रहरी कार्यालयले जनाएको छ ।

उक्त विद्यालयमा पढ्ने उनलाई साउन ५ गते कक्षाभित्रै कुटेर घाइते बनाएको आरोपलमा अभिभावकले प्रहरीमा जाहेरी दिएका थिए । जाहेरीपछि ती शिक्षकलाई  पक्राउ गरिएको प्रहरीले जनाएको छ । घाइते विद्यार्थी अस्पतालमा उपचार गरी घर फर्किसकेको बताइएको छ ।

प्रकाशित समय १३:४६ बजे