ज्यान मार्ने तथा कुटपिट अंगभंग मुद्दामा फरार रहँदै आएका दुई अभियुक्तलाई प्रहरीले पक्राउ गरेको छ । सिरहा नगरपालिका-२ का ४० वर्षीय जिबछ यादव र सिरहा नगरपालिका-३ का २० वर्षीय सतिषकुमार मण्डल पक्राउ परेको जिल्ला प्रहरी कार्यालय सिरहाले जनाएको छ ।

जिल्ला प्रहरी कार्यालयबाट खटिएको टोलीले दुवै जनालाई आआफ्नो घरमा लुकीछिपी बसेको अवस्थामा पक्राउ गरेको जिल्ला प्रहरी कार्यालय सिरहाका प्रहरी नायब उपरीक्षक अपिलराज बोहराले जानकारी दिए । पक्राउ परेका दुवै जनालाई आवश्यक कारबाहीका लागि जिल्ला अदालत सिरहामा पेस गरेको उनले बताए ।

प्रकाशित समय १०:४३ बजे