प्रधानमन्त्री केपी शर्मा ओलीको त्रिभुवन विश्वविद्यालय, शिक्षण अस्पतालको मनमोहन ‘कार्डियोथोरासिक भास्कुलर एण्ड ट्रान्सप्लान्ट सेन्टर’मा एपेन्डिसाइटिसको शल्यक्रिया गरिएको छ ।

प्रधानमन्त्री ओली नियमित स्वास्थ्य परीक्षणका क्रममा आज बिहान सो सेन्टरमा भर्ना भएका थिए । उनलाई एपेन्डिसाइटिस भएको पत्ता लागेपछि चिकित्सकले शल्यक्रिया गरेको उनका प्रेस सल्लाहकार सूर्य थापाले जानकारी दिए । प्रधानमन्त्री ओली अझै केही दिन अस्पतालमै बस्नुपर्ने चिकित्सकहरूले बताएका छन् ।

प्रा डा अरुण सायमी, प्रा डा रमेशसिंह भण्डारी लगायतको टोली प्रधानमन्त्री ओलीको शल्यक्रिया गरेका थिए । चिकित्सकका अनुसार एपेन्डिसाइटिस भएमा जतिसक्यो चाँडो यसको शल्यक्रिया गर्नुपर्ने हुन्छ । यसअघि प्रधानमन्त्री ओलीको मिर्गाैलामा समस्या आएपछि डायलासिस गरिएको थियो ।

प्रकाशित समय १३:१० बजे