गृहपृष्ठ अमेरिकामा कोरोना संक्रमितको संख्या १० लाख नाघ्यो, भारतमा ३० हजारनजिक

अमेरिकामा कोरोना संक्रमितको संख्या १० लाख नाघ्यो, भारतमा ३० हजारनजिक

flag-of-america-newskarobar

अमेरिकामा नोवेल कोरोनाभाइरस (कोभिड १९) संक्रमितको संख्या १० लाख नाघेको छ । मंगलबार बिहानसम्ममा अमेरिकामा १० लाख १० हजारमा संक्रमण भएको हो ।

विगतका दिनको तुलनमा अमेरिकालगायत विश्वभर २४ घण्टाको अवधिमा संक्रमित हुनेको संख्या भने घटेको हो । विगतमा एकै दिनमा ९० हजारभन्दा बढी मानिस संक्रमित भएकोमा हिजो ६८ हजारमा झरेको छ ।

विश्वभर २४ घण्टामा चार हजार ५०० भन्दा बढीले ज्यान गुमाएका छन् । अमेरिकामै सबैभन्दा बढी १ हजार ३८३ जनाको ज्यान गएको छ ।

विश्वभर कोरोना संक्रमितको संख्या ३० लाख ६४ हजारभन्दा बढी पुगेको छ भने मंगलबार बिहानसम्ममा २ लाख ११ हजार ५३३ जनाले ज्यान गुमाएका छन् । कुल संक्रमितमध्ये ९ लाख २२ हजार २४१ जना उपचारपछि घर फर्किएका छन् ।

भारतमा भने संक्रमण तीव्र रुपमा फैलिन थालेको छ । बितेका २४ घण्टामै भारतमा १५ सयभन्दा बढी नयाँ संक्रमित थपिएका छन् भने ५८ जनाले ज्यान गुमाएका छन् । भारतमा कुल संक्रमितको संख्या २९ हजार ४५१ पुगेको छ भने मृतक संख्या ९३९ जनाले थपिएको वर्ल्डोमिटरले जनाएको छ ।

नेपालमा संक्रमित संख्या ५२ छ तीमध्ये १६ जना सफल उपचारपछि घर फर्किएका छन् । अन्य ३६ जनाको विभिन्न अस्पतालमा उपचार भइरहको छ । उनीहरूको अवस्था पनि सामान्य रहेको स्वास्थ्य मन्त्रालयका प्रवक्ता डा. विकास देवकोटाले नियमित पत्रकार सम्मेलनमा जानकारी गराएका छन् ।

प्रकाशित समय ०७:०८ बजे

प्रतिक्रिया दिनुहोस्

सम्बन्धित शीर्षकहरु