नोवेल कोरोनाभाइरसका कारण लाग्ने कोभिड १९ बाट विश्वभर ज्यान गुमाउनेको संख्या २ लाख ५२ हजार ३६६ पुगेको छ । कोभिड १९ बाट ३६ लाख ४४ हजारभन्दा बढी संक्रमित भए पनि करिब १२ लाख उपचारपछि घर फर्किएका छन् ।

उपचाररत २१ लाख ९७ हजारमध्ये करिब ५० हजारको अवस्था गम्भीर छ । कोभिड १९ बाट अमेरिकामा सर्वाधिक १२ लाख १२ हजार संक्रमित भएका छन् । यो कुल संक्रमितको एक तिहाइ हो । त्यस्तै अमेरिकामा मात्रै करिब ७० हजार मानिसको मृत्यु भइसकेको छ । मंगलबार बिहानसम्ममा अमेरिकमा ६९ हजार ९२१ जनाको मृत्यु भएको हो ।

त्यस्तै, भारतमा संक्रमितको संख्या ४६ हजार ४३७ पुगेको छ । संक्रमितमध्ये १ हजार ५६६ जनाको मृत्यु भइसकेको छ ।

प्रकाशित समय ०७:२३ बजे