रुपन्देहीको तिलोत्तमा नगरपालिका १० मैनहवामा गाई फार्ममा कार्यरत पाँच जनाको एकै ठाउँमा हत्या भएको छ । स्थानीय रामबहादुर पुनको गाई फार्ममा कार्यरत पाँचै जनाको सोमबार राति हत्या भएको हो ।

मृत्यु हुनेमा माधव मुसहर,जानकी मुसहर, करण चौधरी, आशिष चौधरी र पोषराज मुसहर हुन् । गाई फार्ममा ६ जना कामदार रहेकोमा एकजना भुसभित्र लुकेको अवस्थामा फेला परेका थिए । अचेत अवस्थाका उनलाई उपचारका लागि अस्पताल लगिएको रुपन्देही प्रहरी प्रमुख एसपी हेमकुमार थापाले जानकारी दिएका छन् ।

प्रहरीले घटनामा उनको संलग्न रहेको आशंका गरेको छ ।अभियुक्त सुर्खेतका ३२ वर्षीय झपेन्द्रसिंह सिंजाली हुन् । उनले  पाँचै जनालाई कोदालो प्रहार गरेर हत्या गरेको वयान दिएको एसपी थापाले बताए । अभियुक्त लागु औषध दुर्व्यसनी पनि भएको प्रहरीले जनाएको छ ।

प्रकाशित समय ०९:११ बजे