सशस्त्र प्रहरी महानिरीक्षक (आइजीपी) शैलेन्द्र खनालले नेपाल प्रहरीका नवनियुक्त महानिरीक्षक (आइजीपी) शैलेश थापा क्षेत्रीलाई बधाइ एवं शुभकामना दिएका छन् ।

सशस्त्र प्रहरी प्रमुख खनालले आइजीपी थापा क्षेत्रीलाई प्रहरी प्रधान कार्यालयमा मंगलबार भेटघाट गरी नेपाल प्रहरीको सर्वोच्च पदमा नेपाल सरकारद्वारा नियुक्ति भएकोमा सफल कार्यकालको शुभकामनासहित बधाइ दिएका हुन् । भेटका अवसरमा सशस्त्र प्रहरी प्रमुख खनाल र आइजीपी थापा क्षेत्रीले दुवै संगठनबीच आपसी हित, सहकार्य र समन्वयका सम्बन्धमा छलफलसमेत गरेका थिए ।

भेटघाटका अवसरमा एआईजी हरि बहादुर पाल, सशस्त्र प्रहरीका एआईजीहरू लगायत दुवै संगठनका वरिष्ठ अधिकृतहरूको समेत उपस्थिति थियो ।

प्रकाशित समय १९:१९ बजे