१४ वर्षीया बालिकालाई बलात्कार गरेको आरोपमा धनुषाधाम नपा–७ किसानपुर बस्ने २० वर्षीय जीवछ रामलाई इलाका प्रहरी कार्यालय धनुषाधामले पक्राउ गरेको छ ।

शौच गर्न गएकी किशोरीलाई छिमेकी आरोपित रामले असोज १६ गते साँझ जवरजस्तीकरणी गरेको पिडित बालिकाले बताएकी छिन् । पीडित बालिकाले असोज २० गते इलाका प्रहरी कार्यालय धनुषाधाममा उजुरी दिएकी छिन् ।

पीडित बालिकाले इलाका प्रहरी कार्यालय धनुषाधाममा दिएको उजुरीको आधारमा आरोपित रामलाई मंगलबार नै गिरफ्तार गरिएको इलाका प्रहरी कार्यालय धनुषाधामका प्रहरी इन्स्पेक्टर सुरेश ठाकुरले इन्सेक धनुषा प्रतिनिधिलाई बताए ।

पीडित बालिका र आरोपित युवकको असोज २० गते प्रादेशिक अस्पताल जनकपुरमा स्वास्थ्य परिक्षण गरिएको छ । घटनाबारे थप अनुसन्धान भई रहेको प्रहरी इन्स्पेक्टर ठाकुरले बताए ।

प्रकाशित समय १०:४४ बजे