भारतीय सेनाका स्थलसेनाध्यक्ष जनरल मनोज मुकुन्द नरावणे आगामी महिनामा नेपाल भ्रमणमा आउने भएका छन् । उनलाई राष्ट्रपति विद्यादेवी भण्डारीबाट नेपाली सेनाको मानार्थ महारथी पद प्रदन गरिने नेपाली सेनाले जनाएको छ ।

दुवै देशका सेनापति एकअर्काको देश भ्रमणमा जाँदा मानार्थ सेनापतिका पद दिने चलन छ । नरवणेको भ्रमण २०७६ माघ २० गतेका लागि नै तय भए पनि विभिन्न कारणले स्थगित थियो।

स्मरणीय छ, नेपालले लिम्पियाधुरा-लिपुलेक-कालापानीसहितको नयाँ नक्सा जारी गरेपछि भारतीय सेना प्रमुख नरावणले नेपालले चीनका इशारामा यो काम गरेको विवादास्पद अभिव्यक्ति दिएका थिए । ‘नेपालले अरू कसैको इशारामा लिपुलेख सीमा सवालमा छेडछाड गरिरहेको छ, उनले चिनियाँ हस्तक्षेपलाइ इंगित गर्दै भनेका थिए ।

प्रकाशित समय १७:२० बजे