सशस्त्र प्रहरीले जनकपुर हुँदै भारततर्फ लैजाँदै गरेको अवस्थामा १६ लाख मूल्य बरावरको सुनसहित तस्करलाई पक्राउ गरेको छ ।

काठमाडौंबाट सुनसहित आएका तस्करले भारततर्फ जाँदै गरेको अवस्थामा भ्रमरपुराचोकबाट सशस्त्र प्रहरीले गाडीसहित पक्राउ गरेको जनाएको छ । पक्राउ पर्नेमा गाडी चालक महोत्तरीको बलबा नगरपालिका ४ का ३४ वर्षीय रामचन्द्र साह छन् ।

सुन ओसार्न प्रयोग गरेको बा १० च ३५६८ नम्बरको इको भ्यानमा लुकाइ लैजाँदै गदौ प्रहरीले विशेष सूचनाको आधारमा पक्राउ गरेको हो । प्रहरीले २ सय ग्राम सुनसहित तस्करलाई पक्राउ गरेको हो । सो सुनको बजार मुल्य १६ लाख २३ हजार ८ सय रहेको छ ।

सुनसहित गाडीको अन्दाजी मूल्य करिब ३१ लाख २३ हजार ८ सय रुपैयाँ रहेको सशस्त्र प्रहरीले जनाएको छ । दिउँसो पौने २ बजेको समयमा शसस्त्र प्रहरी बल नेपाल, धनुषा ८ नम्बर गणबाट प्रहरी निरीक्षक शम्भु कटुवालको कमाण्डमा खटिएको टोलीले उक्त सुन र गाडी पक्राउ गरेको जनाएको छ ।

प्रकाशित समय ०८:०३ बजे