धनुषाको विदेह नगरपालिकामा शौचालयका लागि निर्माणाधीन सेफ्टी ट्यांकमा निस्सासिएर एक जनाको मृत्यु भएको छ भने दुईजना बेहोस भएका छन् । विदेह नगरपालिका–६, तीनकौरियास्थित रामसोभित महतोको घरमा मंगलबार बिहान शौचालयको सेफ्टी ट्यांक खोल्ने क्रममा ३० वर्षीय दिनेश चौधरीको घटनास्थलमै मृत्यु भएको हो । घटनामा फुलगेन दास र शुभनारायण दास बेहोस भएको जिल्ला प्रहरी कार्यालय धनुषाले जनाएको छ ।

सेफ्टी ट्यांकभित्र पसेका चौधरीको अक्सिजनको कमीले गर्दा मृत्यु भएको हो । अन्य दुईजना चौधरीलाई बचाउन सेफ्टी ट्यांकभित्र पस्दा बेहोस भएका हुन् । बेहोस भएका फुलगेन दास र शभनारायण दासलाई उपचारका लागि जनकपुर ल्याइएको छ ।

प्रकाशित समय १३:४० बजे