लमजुङमा पहिरोमा परेर ३ जनाको मृत्यु भएको छ । मस्र्याङ्दी गाउँपालिकाको पल्लोटारीमा झरेको पहिरोमा परेर ३ जनाको मृत्यु भएको हो । मृत्यु हुनेमा ६५ वर्षीया अतिरुपा थापा, १० वर्षीया सिरास थापा र ४७ वर्षीया बिष्णुकुमारी गुरुङको रहेका छन् ।

त्यस्तै मस्र्याङ्दीमा आएको बाढीले बगाएर दुई जना बेपत्ता भएका छन् । दोर्दीखोला जलविद्युत आयोजनाका मजदुर बलिराम चौधरी र लक्ष्मीप्रसाद थारुलाई मस्र्याङ्दीले बगाएको हो । अहिले उनीहरुको खोजी भइरहेको लमजुङ प्रहरीले जनाएको छ ।

प्रकाशित समय ०७:३७ बजे