कैलालीको धनगढी उपमहानगरपालिका वडा नम्बर १३ को कार्यालय नै बन्द गरेर वडाध्यक्ष सहित कर्मचारीहरु भेट्रान बलिबल प्रतियोगिता हेर्न गएका छन् । कर्मचारीहरु भलिवल प्रतियोगिता हेर्न जाँदा सेवाग्राही भने मारमा परेका छन् । अन्य काम छोडेर कार्यालय पुगेका सेवाग्रही रित्तो हात फर्कन बाध्य भएका छन् ।

बिहीबार दिउँसो १२ बजे वडा कार्यालय पुग्दा कार्यालयमा ताला लगाइएको एक सेवाग्रहीले बताए । उनले भने, ‘अन्य काम छोडेर वडा कार्यालय पुगेको ढोकामा ताल्चा झुन्डाइएको छ, रित्तो हात फर्किनु पर्यो’, एक सेवाग्राहीले भने ।

गाउँमा सिंहदरबार आएको भनिए पनि कार्यालयमा एउटा कर्मचारी पनि नभेटिनुले सिंह मात्र आएको तर दरबार नआएको महासुस भएको सेवाग्राहीको गुनासो छ । वडा अध्यक्षदेखि कर्मचारीले दुख दिने गरेको सेवाग्राहीले गुनासो गरे । १३ नम्बर वडाका अध्यक्ष विजयराज जोशी हुन् ।

प्रकाशित समय १४:२२ बजे