कपिलवस्तुको शुद्धोधन गाउँपालिका–४, मोतिघारीमा शुक्रबार राति राजाबाबु भनिने दिपेन्द्रकुमार चौधरीको गोली हानी हत्या भएको छ ।

शुक्रबार राति दिपेन्द्रको अज्ञात समूहको गोली प्रहारबाट हत्या भएको हो । टाउकोमा गोली लागेको उनको घटनास्थलमै मृत्यु भएको प्रहरीले जनाएको छ । चौधरी गत वर्ष सम्पन्न प्रदेशभा निर्वाचनमा कपिलवस्तु निर्वाचन क्षेत्र नम्बर–१ (ख)बाट स्वतन्त्र उम्मेदवार पनि हुन् ।

गोली लागेर गम्भीर घाइते भएका उनलाई लबनीस्थित अस्पतालमा उपचार हुन नसकेपछि भैरहवा ल्याउने क्रममा मृत्यु भएको इलाका प्रहरी कार्यालय पकडीका प्रहरी निरीक्षक सन्तोष पोखरेलले जानकारी दिए । गोली हानिएको स्थानमा ३, ४ वटा खोका भेटिएको छ ।

केहि शंकास्पद व्यक्तिलाई अनुसन्धानका लागी नियन्त्रणमा लिइएको पोखरेलले बताए । चौधरीको शव पोष्टमार्टमका लागि मेडिकल कलेज भैरहवामा राखिएको छ ।

प्रकाशित समय ०७:३४ बजे