बलात्कारपछि हत्या गरिएको कञ्चनपुरकी १३ वर्षीया बालिका निर्मला पन्तका बुबा यज्ञराज पन्तलाई बेहोस बनाएर उपचारका लागि काठमाडौंं ल्याउन लागिएको छ । शनिबार जहाजबाट ल्यउन लागिएको थियो । तर, उनको व्यवहार अस्वभाविक भएपछि जहाजले ल्याउन नमानेका कारण बेहोस बनाएर आइतबार एम्बुलेन्सबाट ल्याउन लागिएको हो ।

छोरीका हत्यारा पत्ता लगाउन माग गर्दै अनिश्चितकालीन धर्ना बसेका यज्ञराजको मानसिक अवस्था बिग्रिएपछि उपचारका लागि काठमाडौं ल्याउन लागिएको हो । उनलाई शनिबार दिउँसो सेती अञ्चल अस्पतालमा बेहोस बनाउने इन्जेक्सन दिइएको थियो ।

तर, जहाज कम्पनीले ल्याउन नमानेपछि आइतबार उनलाई एम्बुलेन्सबाट ल्याउन लागिएको श्रीमती दुर्गादेवीले बताइन् । पछिल्लो समउ उनले रातभरी नसुत्ने, बर्बराउने, निर्मलाको नाम लिँदै रुदै हिड्ने गरेका थिए । उनको त्रिवि शिक्षण अस्पतालमा उपचार गरिने छ ।

उनको उपचार काठमाडौंको शिक्षण अस्पतालमा गरिने भएको छ । निर्मलाको हत्या भएको चार महिना पुग्दा पनि हत्याराको पहिचान भएको छैन । गत साउन १० गते साथीको घरमा गएकी निर्मला भोलीपल्ट मृत अवस्थामा फेला परेकी थिइन् ।

प्रकाशित समय १३:३४ बजे