सरकारले योगदानमा आधारित सामाजिक सुरक्षा योजना लागु गरेको छ । श्रमिकलाई सामाजिक न्यायको प्रत्याभूति गराउन योजना लागु गरिएको हो । मंगलबार प्रधानमन्त्री केपी शर्मा ओलीले नेपाल प्रज्ञाप्रतिष्ठानमा आयोजना गरिएको कार्यक्रममा योजनाको शुभारम्भ गरेका हुन् । रोजगारदाता र श्रमिकको योगदानमा स्थापना गरिएको सामाजिक सुरक्षा कोषबाट श्रम, रोजगार तथा सामाजिक सुरक्षा मन्त्रालयले यो कार्यक्रम लागू गरेको हो । कार्यक्रममा वृद्ध, औषधि उपचार, मातृत्व, अशक्त र आश्रित परिवार सुरक्षा योजना कार्यक्रम छन् । योजना लागु भएपछि श्रमिक ‘रित्तो हात’ घर फर्कनुपर्ने छैन भने भने निश्चित अवधि सेवा गरेपछि पेन्सन समेत पाउने छन् । निजी क्षेत्रमा काम गर्ने ३५ लाख श्रमिक यो सामाजिक सुरक्षा कोषबाट लाभान्वित हुनेछन् ।

प्रकाशित समय १६:०३ बजे