सरकारले जेठ २३ गते बिहीबार साँझ कञ्चनपुर र कैलालीमा गएको हावाहुरी तथा असिनापानीका पीडितलाई राहत दिने निर्णय गरेको छ ।
कार्यबाहक प्रधानमन्त्री ईश्वर पोखरेलको संयोजकत्वमा बुधबार बसेको बैठकले घटनाबाट मृत्यु हुने व्यक्तिका निजकका हकदारलाई जिल्ला विपद् व्यवस्थापन समितिबाट रु. १ लाख राहत दिने, घाईतेहरुको निशुल्क उपचार सरकारी अस्पतालमा गर्ने निर्णय गरेको हो ।
यस्तै, प्रदेश सरकारले प्रतिमृतकका हकदारलाई रु.१ लाख ५० हजार, घर पूर्ण क्षति भएका परिवारलाई रु.२० हजार र घर आंशिक क्षति भएका परिवारलाई रु.१० हजारसम्म राहत जिल्ला प्रशासन कार्यालयमार्फत दिने निर्णय गरेको प्रधानमन्त्री तथा मन्त्रिपरिषदको कार्यालयले जनाएको छ ।
यसबाहेक स्थानीय तहहरुले मृतक परिवार, घाइते, घर क्षति, पशुधन क्षति भएकाहरुलाई क्षति हेरी रु. २००० देखि ७५००० सम्म राहत दिने घोषणा गरी वितरण शुरु गरेका सरकारले दाबी गरेको छ । गृहमन्त्रालयका अनुसार हावाहुरीले २ जनाको मृत्यु भएको छ भने १०८ जना घाइते भएका थिए । कैलालीका २ हजार २१६ घरहरू पूरै क्षति भएको र कञ्चनपुरका १ हजार ६४४ घरधुरी प्रभावित भएका छन् ।
क्षतिका विवरण संकलन भइरहेको भन्दै प्रधानमन्त्री तथा मन्त्रिपरिषदको कार्यालयले पूरै विवरण आएपछि थप राहत घोषणा गर्ने बताएको छ ।

• कैलाली जिल्ला
• २ जनाको मृत्यु भएको । ८४ जना घाइते भएकोमा ७५ जना उपचार पश्चात घर फर्किसकेका छन्। ९ जनाको विभिन्न अस्पतालमा उपचार भईरहेको छ ।
• प्रभावित घर धुरी संख्या जम्मा- ७८४४
• घर पूर्ण क्षति संख्या जम्मा- २२१६ 

मृतक

कैलाली जिल्लामा भएको मानवीय तथा भौतिक क्षतिको विवरण

विद्यालय- ७० वटा आंशिक क्षति

प्रहरी कार्यालय- ६ वटा आंशिक क्षति

स्वास्थ्य केन्द्र- २० वटा आंशिक क्षति

सरकारी कार्यालय- १८ वटा आंशिक क्षति

कञ्चनपुर जिल्ला

• २४ जना घाइते भएकोमा २२ जना उपचार पश्चात घर फर्किसकेका । २ जनाको अस्पतालमा उपचार भइरहेको ।
• प्रभावित घरधुरी संख्या जम्मा- १६४४, अनुमानित क्षति रु.9,44,20,९१5
• विद्यालय वा अन्य संघ संस्थामा क्षति- १४ अनुमानित क्षति रु.१,२१,०००
• चौपाया मृत्यु- ११ वटा, कुखुरा- १०५० वटा अनुमानित क्षति रु.८,२१,०००
• प्रहरी कार्यालयहरु क्षति- १५ वटा अनुमानित क्षति रु.४,४२,०००
• बिजुलीको पोल भाँचिएको- ५२५ वटा

क जिल्लामा भएको मानवीय तथा भौतिक क्षतिको विवरण

प्रकाशित समय १२:२२ बजे