भूमिसुधार मन्त्री पद्मा अर्यालले गुठीसम्बन्धि विधेयक फिर्ताको घोषणा गरे पनि विधेयक खारेजीको माग गर्दै काठमाडौंमा प्रदर्शन भएको छ ।

विधेयक खारेजीको माग गर्दै काठमाडौंको माइतीघरमा प्रदर्शन भएको हो । मन्त्री अर्यालले राष्ट्रियसभामा प्रस्तुत विधेयकमाथि सरोकारवालासँग छलफल गर्न बाँकी रहेको भन्दै मंगलबार फिर्ता लिने घोषणा गरेकी थिइन् । तर विधेयक फिर्ताको कुनै औचित्य नभएको भन्दै गुठीयारहरुले आन्दोलनलाई निरन्तरता दिएका हुन् ।

त्रुटिपूर्ण विधेयक खारेज हुनुपर्ने उनीहरुको माग छ । त्रिपुरेश्वर, थापाथली हुँदै अघि बढेको -याली माइतीघर मण्डलामा आयोजित सभामा मिसिएको छ भने तीनकुने, नयाँ वानेश्वर हुँदै अर्को र्याली माइतीघरतर्फ अघि बढेको छ ।

विधेयक विरुद्धको प्रदर्शनपछि अहिले ठाउँ-ठाउँमा सवारी आवागमन प्रभावित भएको छ ।

प्रकाशित समय ११:४३ बजे