१३औँ दक्षिण एसियाली खेलकुद (साग)को समापनका दिन मंगलबार ट्राफिक व्यवस्थापनका लागि उपत्यकावासीमा महानगरीय ट्राफिक प्रहरी महाशाखाले विशेष अनुरोध गरेको छ । महाशाखाले ट्राफिक व्यवस्थापन चुस्त, दुरूस्त, व्यवस्थित र सुरक्षित बनाउन सर्वसाधारणसमक्ष ९ बुँदे अनुरोध गरेको हो ।

महाशाखाको अनुरोध :

१. मंसिर २४ गते समापन दिन सरकारी, अत्यावश्यक सेवा, खेलकुदसम्बद्ध, सञ्चारकर्मी तथा पर्यटक आवद्ध सवारी साधन बाहेक रिङरोडभित्र सम्पूर्ण सवारी साधनहरू जोर नम्वरमा मात्र चलाउन हुन ।

२. ठुला मालवाहक सवारी साधनहरू रिङरोडभित्र प्रवेश नगरिदिनु हुन ।

३. दशरथ रंगशाला वरिपरिका सवारी मार्गको सकभर प्रयोग नगरी अन्य वैकल्पिक तथा भित्री सडकको प्रयोग गरिदिन हुन ।

४. २४ गते समापनका दिन कमभन्दा कम सवारी साधनहरू निकाल्नु हुन ।

५. सवारी मार्गमा पुराना र अवस्था ठिक नभएका सवारी साधनहरू नचलाउनु हुन ।

६. खेल हेर्न आउने सम्पूर्ण सर्वसाधारणहरूको पार्किङस्थल काठमाडौँ मल अगाडिको टुँडिखेलमा तोकिएकोले सोहीअनुसार गरिदिनुहुन ।

७. हर्नलाई पूर्ण रूपले निषेध गर्नुहुन ।

८. ट्राफिक नियमको पूर्ण रुपमा पालना गर्नुहुनका साथै सडकमा जथाभावी बाटो नकाट्नुहुन ।

९. ट्राफिकसम्वन्धी समस्या तथा अन्य जानकारीका लागि ट्राफिक प्रहरीको हटलाईन नम्बर १०३ मा फोन गर्नु हुनका साथै नियमित रूपमा मेट्रो ट्राफिक एफएम ९५.५ मेघाहर्ज सुन्नहुन ।

प्रकाशित समय १२:३२ बजे