कोरोनाको त्रास बढेपछि सरकारले लगाएको लकडाउन उल्लंघन गर्ने सवारीलाई प्रहरीले नियन्त्रणमा लिएको छ ।

गत ११ गतेबाट सुरु भएको लकडाउन उल्लंघन गर्ने दुई हजार ६७६ सवारी साधनलाई नियन्त्रणमा लिइ आवश्यक कारबाही गरेको महानगरीय ट्राफिक प्रहरी महाशाखा प्रहरी उपरीक्षक जीवन कुमार श्रेष्ठले जानकारी दिए ।

उनका अनुसार सरकारले तोकेको लकडाउन उल्लंघन गर्नेलाई सुरुको दिन सम्झाइ बुझाई र माइकिङ गरेको थियो । ११ गते सम्झाइ बुझाई गर्दा पनि अटेरी गर्ने गरेको भन्दै १२ गते एक हजार ६३ सवारीलाई कारबाही गरेको थियो ।

त्यस्तै १२ गते २५३, १४ गते २१६, १५ गते १३९, १६ गते २४३, १७ गते २४२, १८ गते ३०१ र १९ गते बिहान १० बजेसम्म २११ गरी दुई हजार ६७६ सवारीलाई कारबाही गरेको उनले बताए ।

प्रकाशित समय ११:३० बजे