कोरोनाभाइरसको हब जस्तै बनेको अमेरिकामा ज्यान गुमाउनेको संख्या दैनिक रुपमा बढ्दै गएको छ । गएको २४ घण्टामा मात्रै अमेरिकामा २५ सयभन्दा बढी मानिसको ज्यान गएको विश्व स्वास्थ्य संगठनले जनाएको छ ।

अहिलेसम्म अमेरिकामा कोरोनाका कारण ज्यान गुमाउनेको संख्या ७४ हजार नाघेको छ । पछिल्लो केही समययता दैनिक ज्यान गुमाउनेकोे संख्या एक हजारको हाराहारीमा थियो । त्यो संख्या बढ्दै गएर आजमात्रै २५ सय २८ जनाले ज्यान गुमाएका छन् ।

अहिलेसम्म अमेरिकामा कोरोनाभाइरस संक्रमितको संख्या १२ लाख ६३ हजार ९२ पुगेको छ भने ७४ हजार ७९९ जनाले ज्यान गुमाइसकेका छन् । गएको २४ घण्टामा मात्रै अमेरिकामा २५ हजार ४५९ जनामा थप संक्रमण देखिएको हो । अहिले ९ लाख ७५ हजार ३१२ जना उपचाररत छन् । तीमध्ये पनि तीन हजार ८१६ जनाको अवस्था गम्भीर देखिएको छ । दुई लाख १२ हजार ९८१ जना डिस्चार्ज भइसकेका छन् ।

प्रकाशित समय ०७:३८ बजे