विश्वभर कोरोनाभाइरस (कोभिड १९)बाट ज्यान गुमाउनेको संख्या घट्दै गएको छ । केही दिनअघिसम्म दैनिक ६ हजारसम्मले ज्यान गुमाउँदै आएकोमा अहिले तीन हजार हाराहारीमा झरेको हो ।

बितेका २४ घण्टामा तीन हजार ९६ जनाले ज्यान गुमाएका छन् । अमेरिकामा कोरोनाबाट ज्यान गुमाउनेको संख्या उल्लेख्य घटेको छ । विगतमा दैनिक २ हजार ७ सयसम्म ज्यान गुमाइरहेको अमेरिकामा मंगलबार २४ घण्टाको अवधिमा ५०५ जनाले मात्र ज्यान गुमाए । अमेरिकामा मृतकको संख्या ९९ हजार ८०५ पुगेको छ ।

संक्रमण दर भने उस्तै छ । २४ घण्टामा ९० हजार १३८ नयाँ संक्रमित थपिएका छन् । अमेरिकामा १९ हजार, ब्राजिलमा १३ हजार, रुसमा ८ हजार र भारतमा ६ हजार नयाँ संक्रमित थपिएका छन् । भारतमा संक्रमण र मृत्यु दुवैको वृद्धिदर उस्तै छ । भारतमा २४ घण्टामा १४८ जनाको ज्यान गएको छ ।

प्रकाशित समय ०७:३६ बजे