सिन्धुपाल्चोकको बाह्रबिसे नगरपालिका- ५, जम्बुको पहिरोमा परी मृत्यु भएका दुई जनाकै सनाखत भएको छ । त्यसैगरी बेपत्ता हुने २० जनाको पनि पहिचान खुलेको प्रहरीले जनाएको छ ।

बुधबार राति गएको पहिरोमा परी २५ वर्षीय निकेश बस्नेत र उनकी तीन वर्षीया छोरीको शव फेला परेको जिल्ला प्रहरी कार्यालय सिन्धुपाल्चोकका सूचना अधिकारी डीएसपी माधवप्रसाद काफ्लेले जानकारी दिए ।

डएसपी काफ्लेका अनुसार पहिरोमा बेपत्ता हुनेमा बाह्रबिसेका भीमबहादुर वाइबा, चिनिमाया वाइबा, लीलामाया वाइबा, पासाङ डोल्मा वाइबा, निमा डोल्मा वाइबा, लक्ष्मण वाइबा, सुनमाया वाइबा, जनकबहादुर वाइबा र सविना तामाङ रहेका छन् । यस्तै, हिमेश शर्मा, आकाश तामाङ, आकाश केसी, तोकबहादुर तामाङ, युक्तकुमार तामाङ, सुवेश तामाङ र सलिना तामाङ पनि पहिरोमा हराइरहेका छन् ।

भोटेकोसी गाउँपालिकाका वुर्कुटेका निमादोर्जे तामङ, मञ्जु तामाङ, पासाङ नोर्बु तामाङ र सहिल तामाङसमेत पहिरोमा परी बेपत्ता भएका छन् ।

प्रकाशित समय १५:११ बजे