कोभिड १९ को सबैभन्दा बढी संक्रमण भएको मुलुक अमेरिकामा संक्रमितको संख्या बढ्दै गएको छ । गएको २४ घण्टामा मात्रै अमेरिकामा ७१ हजार ७८७ जनामा संक्रमण देखिएको छ । अहिलेसम्म ३२ लाख ९१ हजार ७८६ जनामा कोरोना भाइरसको संक्रमण देखिएको छ ।

अहिलेसम्म अमेरिकामा एक लाख ३६ हजारभन्दा बढीले ज्यान गुमाएका छन् । गएको २४ घण्टामा मात्रै ८४९ जनाको ज्यान गएपछि मृतकको संख्या एक लाख ३६ हजार ६७१ पुगेको छ ।

त्यस्तै १४ लाख ६० हजार ४९५ जना उपचारपछि घर फर्किएका छन् भने १७ लाख ९४ हजार ६२० जनाको उपचार भइरहेको छ । उपचार भइरहेकामध्ये पनि १५ हजार ७७७ जना संक्रमितको अवस्था चिन्ताजनक रहेको अमेरिकी स्वास्थ्य विभागले जनाएको छ ।

प्रकाशित समय ०८:५४ बजे