एसईई विद्यार्थीलाई लक्षित गरी ग्लोकल आफ्टर स्कुलले अनलाइन लर्निङ फेस्टिबल २०२० सुरु गर्ने भएको छ । काठमाडौं वर्ल्ड स्कुलको सहयोगमा आयोजनामा गर्न लागिएको फेस्टिबल एक हप्ता चल्नेछ ।

कार्यक्रमको उद्देश्य सबै एसईई विद्यार्थीलाई एक छाताअन्तर्गत एकीकृत गरी उनीहरूमा उत्साह, रचनात्मकता र ऊर्जा उत्थानका लागि महत्वपूर्ण भूमिका निर्वाह गर्नु हो । फेस्टिबलमा किशोरकिशोरीले निःशुल्क भाग लिन पाउनेछन् ।

फेस्टिबलअन्तर्गत उनीहरुले विभिन्न सीपमा आधारित कार्यशाला, प्रतियोगिता, करियर मार्गदर्शन सत्र, इन्स्पिरेसनल फिल्म स्क्रिनिङ डिस्कसन जस्ता विभिन्न गतिविधिमा सहभागी हुन सक्नेछन् । कार्यक्रम जुलाई २९ गते सुरु हुनेछ । प्रतियोगिताका विजेताहरुको घोषणा सँगै अगस्ट ३ तारिकका दिन समापन हुनेछ । सहभागिताका लागि आवेदन भने २० जुलाई २०२० बाटै सुरु भएको छ ।

प्रतियोगिताका विजेताले नगद पुरस्कारका साथै कक्षा ११ र १२ मा ७५ प्रतिशतसम्म छात्रवृत्ति प्राप्त गर्न सक्नेछन् ।

प्रकाशित समय १२:४५ बजे