भारतमा कोरोना संक्रमितको संख्या २१ लाख ५२ हजार २० पुगेको छ । पछिल्लो २४ घण्टामा त्यहाँ ६५ हजार एक सय ५६ संक्रमित थपिएका हन् । हालसम्म भारतमा ४३ हजार ४५३ जनाले ज्यान गुमाएको वर्डोमिटरलेले जनाएको छ ।

गत २४ घण्टाभित्र मात्रै भारतभर ८ सय ७५ जनाको मृत्यु भएको छ भने हालसम्म कोरोना संक्रमणमुक्त भई घर फर्केनेको संख्या १४ लाख ७९ हजार ८ सय ४ छ । महामारीबाट सबैभन्दा बढी प्रभावित फैलिएको महाराष्ट्रमा संक्रमितको संख्या ५ लाख ३० हजार ८४ पुगेको छ भने १७ हजार ६ सय ७४ ले ज्यान गुमाएका छन् ।

दोस्रो बढी प्रभावित राज्यमा तमिलनाडु रहेको छ । दक्षिणी भारतीय यस राज्यमा दुई लाख ९० हजार ९०७ संक्रमित छन् भने ४ हजार ४ सय ८ जनाको मृत्यु भइसकेको छ । यी दुईपछि आन्ध्रप्रदेश र कर्णाटक बढी प्रभावित राज्यहरु हुन् । जहाँ क्रमशः २ लाख १७ हजार ४० र १ लाख ७२ हजार १०२ जनालाई संक्रमण पुष्टि भएको छ । आन्ध्रप्रदेशमा १ हजार ९ सय ३९ र कर्णाटकमा ३ हजार ९१ जनाले कोरोनाका कारण ज्यान गुमाएका छन् ।

लक्ष्यद्वीप, मिजोरम, सिक्किम लगायतका राज्यहरु अन्यको तुलनामा सुरक्षित रहेका छन् । लक्ष्यद्वीपमा संक्रमित संख्या शुन्य छ । मिजोरम र सिक्किममा क्रमशः ५ सय ९३ र ८ सय ६० जना संक्रमित छन् ।

प्रकाशित समय १४:१४ बजे