कोरोनाभाइरसको संक्रमण शुक्रबार पाँच महिनाको उच्च स्तरमा पुगेपछि दक्षिण कोरियामा देशभरका ८४९ विद्यालय बन्द गरिएका छन् । महामारीका कारण यसअघि ८३८ विद्यालय बन्द भएका थिए । कोरोनाभाइरस नियन्त्रणतर्फ गएको भन्दै करिब सबै विद्यालयमा मे २० देखि पुनः पठनपाठन सञ्चालन गरिएकोमा संक्रमित देखिन थालेपछि बन्द गरिएको दक्षिण कोरियाको शिक्षा मन्त्रालयले जनाएको छ ।

केही हप्तायता संक्रमण दर बढेसँगै विद्यालयहरूमा विद्यार्थी आउन कम भएको थियो । यसै परिवेशलाई ध्यानमा राख्दै अर्को सूचना नभएसम्मका लागि विद्यालय बन्द गरिएको हो ।

प्रकाशित समय २०:३५ बजे