सैनिक मुख्यालय भद्रकालीस्थित नेपाली सेनाको पेट्रोल पम्पमा ड्यूटीमा खटिएका सिपाहीले आफैँलाई गोली हानी आत्महत्या गरेका छन् । ड्यूटीमा रहेका ती सिपाहीले आइतबार बिहान ३ बजेतिर आफैँले टाउकोमा गोली हानी आत्महत्या गरेका हुन् ।

ती सिपाहीको टाउकोमा एउटा गोली लागेको सेनाका प्रवक्ता सन्तोषवल्लभ पौडेलले जानकारी दिएका छन् । प्रवक्ता पौडेलका अनुसार सामान्य अवस्थामा दुईजना ड्यूटीमा हुने भए पनि आइतबार बिहान ती सिपाही एक्लै परेका बेला उनले आफैँलाई गोली हानेको देखिएको छ ।

उनको स्थायी ठेगाना तनहुँको रानीपोखरी भएको र घटनाबारे नजिकका नातेदारलाई जानकारी गराइसकिएको नेपाली सेनाले जनाएको छ । घटनाबारे सेना तथा प्रहरीले अनुसन्धान गरिरहेको नेपाली सेनाले जानकारी दिएको छ ।

प्रकाशित समय १२:३९ बजे