हुण्डी कारोबार गरेको अभियोगमा काठमाडौं महानगरपालिका २३ ओमबहालस्थित होटल गोल्डेन लिफबाट तीन जनालाई सोमबार साँझ प्रहरीले पक्राउ गरेको छ । पक्राउ पर्नेहरुमा काठमाडौं महानगरपालिका ११ ताहाचल बस्ने झापा दमक नगरपालिका ११ घर भएका ३१ वर्षीय विकास मितल, काठमाडौं महानगरपालिका ३१ बस्ने झापा घर भएका २७ वर्षीय कमल मितल र काठमाडौं महानगरपालिका २२ बस्ने पर्वत कुश्मा नगरपालिका १ घर भएका ३२ वर्षीय गणेश पौडेल रहेका छन् ।

होटलमा अवैध रुपमा हुण्डी कारोबार भइरहेको भन्ने विशेष सूचनाको आधारमा प्रहरी प्रधान कार्यालय केन्द्रीय अनुसन्धान ब्युरो महाराजगन्जबाट खटिएको प्रहरी टोलीले उनीहरुलाई ९९ लाख ८४ हजार रुपैयाँ र ९ सय अमेरिकी डलरसहित पक्राउ गरेको हो । पक्राउ परेकाहरुलाई आवश्यक कारबाहीका लागि राजस्व अनुसन्धान विभाग हरिहर भवन ललितपुर पठाइएको प्रहरीले जनाएको छ ।

प्रकाशित समय १६:५३ बजे