नेपालमा पनि नयाँ प्रकारको कोरोना भाइरस भित्रिएको पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार कोरोनाको नयाँ प्रजातिको उद्गमस्थल बेलायतबाट केही दिनअघि आएका ६ जनामध्ये तीनजनामा नयाँ प्रकारको कोरोना संक्रमण देखिएको हो ।

नयाँ प्रकारकाे भाइरसकाे संक्रमण भए नभएकाे पत्ता लगाउनका लागि उनीहरुकाे नमुना विश्व स्वास्थ्य संगठनकाे सहयाेगमा पुष २७ गते हङकङकाे प्रयाेगशालामा पठाइएकाे र त्यसकाे रिपाेर्ट  साेमबार प्राप्त भएकाे मन्त्रालयद्वारा जारी विज्ञप्तिमा जनाएकाे छ । ‘नयाँ प्रकारकाे काेराेना भाइरसबाट संक्रमित हुनेमा २८ वर्षकी महिला तथा ६७ र ३२ वर्षका पुरुष छन् । २८ वर्षकी महिला र ३२ वर्षका पुरुष हाल संक्रमणमुक्त भइसके पनि ६७ वर्षीय पुरुषमा भने अझै पनि संक्रमण कायम छ,’ सोमबार विज्ञप्ति जारी गर्दै मन्त्रालयका प्रवक्ता डा. जागेश्वर गाैतमले जानकारी दिएका छन् ।

प्रकाशित समय १४:०९ बजे