आफूलाई  मानव अधिकार संगठनको अध्यक्ष हुँ भनी अमेरिका पठाइदिन्छु भन्दै एक व्यक्तिलाई ठगी गर्ने बृद्ध पक्राउ परेका छन् । पक्राउ पर्नेमा संखुवासभा पाँचखपन गाउँपालिका ५ खमारे स्थायी घर भइ काठमाडौं महानगरपालिका ७ मित्रपार्क, चावहिल बस्ने ६० वर्षीय तुलसी थापा रहेका छन् ।

थापाले ठगीएका ती व्यक्तिलाई आफू अमेरिका हुने कार्यक्रममा जाँदा ५ वर्षको मल्टिपल भिसा लगाई अमेरिका लैजान्छु भनी विश्वास दिलाई १५ लाख रुपैयाँ ठगी गरेका थिए । प्रहरीको प्रारम्भिक अनुसन्धानमा ठगी गरेको खुलेपछि थापालाई राष्ट्रिय मानव अधिकार आयोगको अध्यक्षको नामको परिचय पत्रसहित काठमाडौँको दरबारमार्गबाट प्रहरीले पक्राउ गरेको हो ।

उनलाई ठगी सम्बन्धि कसूरमा आवश्यक कारवाहीको लागि महानगरीय प्रहरी परिसर काठमाडौँ पठाइएको जनाइको प्रहरीले जनाएको छ ।

प्रकाशित समय १७:१६ बजे