भक्तपुर प्रहरीले ४ लाख बराबरको धनमाल चोर्ने चोर पक्राउ परेको छ । चागुँनारायण नगरपालिका–८ सुडालका ३७ वर्षीय कपिलदेव सुकमनीलाई प्रहरीले धनमाल चोरी गरी भाग्दै गरेको अवस्थामा बुधबार पक्राउ गरेको हो ।

सोही नगरपालिका–९ ताथली बस्ने हिराबहादुर राउतको घरको मुल ढोका तोडफोड गरी नगद ६५ हजार ७ सय रुपैयाँ र सुनका गहना समेत गरी करिब ४ लाख ८ हजार रुपैयाँ बराबरको धनमाल कपिलदेवले चोरेका थिए ।

महानगरीय प्रहरी बृत्त जगातीबाट खटिएको टोलीले भाग्दै गरेको अवस्थामा उनलाई सामान सहित पक्राउ गरेको हो ।

प्रकाशित समय १७:४२ बजे