गृहपृष्ठ बोको हरामको विद्युतीय धरापमा परेर ७० सैनिकको मृत्यु
बोको हरामको विद्युतीय धरापमा परेर ७० सैनिकको मृत्यु
नाइजेरियाको उत्तरपूर्वी क्षेत्रमा बोको हरामले राखेको विद्युतीय धरापमा परी ७० भन्दा बढी सुरक्षाकर्मी मारिएका छन् । केही दिनअगाडl भएको घटनामा परी उनीहरू मारिएको सैन्य अधिकारीहरूले शुक्रबार सिन्ह्वालाई जानकारी दिएका छन् ।
बोर्नोको मेलेटे क्षेत्रमा बोको हरामले सुरक्षाकर्मीहरूको टोलीलाई लक्षित गरेर राखेको विद्युतीय धरापमा उनीहरू परेको सुरक्षा स्रोतले जनाएको छ ।
मारिएका मध्ये अधिकांश तल्लो तहका सैनिक छन् भने एक जना प्रमुख सेनानी रहेको समाचारमा जनाइएको छ । तर सैन्य प्रवक्ताले भने यस बारेमा कुनै प्रतिक्रिया दिएका छैनन् । (रासस)
प्रकाशित समय १९:४१ बजे
