कजिम भुषारीको निर्णायक गोलको मद्धतमा ब्रिग्रेड ब्वाइज क्लबले घरेलु टिम पोखरा ११ लाई पराजित गर्दै मनकामना केबुलकार पोखरा फुटबल प्रतियोगिताको क्वाटरफाइनलमा स्थान बनाएको छ ।

पोखरा रंगशालामा जारी भएको खेलमा ब्रिग्रेड ब्वाइजले पोखरा ११ लाई १–० गोलले हराएको हो । खेलको ७२ औं मिनेटमा ब्रिग्रेड ब्वाईजका विदेशी खेलाडी भुषारीले निर्णायक गोल गरे । मनोज राईले करिब ३० यार्ड नजिबाट प्रहार गरेको बल विपक्षि गोलरक्षक अजित पराजुलीले क्लियर गर्न नसक्दा (रिवाउण्ड) बललाई डि–वक्स नजिक रहेका भुषारीले पोष्टको दिशा दिएका थिए ।

प्रतियोगितामा शनिबार नेपाल प्रहरी क्लब र संकटाबीच अन्तिम प्रि–क्वाटरफाइनल खेल हुनेछ ।

प्रकाशित समय ०८:०१ बजे