पूर्वउपप्रधानमन्त्री एवं नेपाल कम्युनिस्ट पार्टी नेकपाका नेता भरतमोहन अधिकारीको पछिल्लो स्वास्थ्य अवस्था बुझ्न नेकपाका शीर्ष तहका नेताहरु अस्पताल पुगेका छन् । श्वासप्रश्वास र निमोनियालगायतका समस्याबाट पीडित ८३ वर्षीय अधिकारीलाई भेट्न नेकपाका अध्यक्ष पुष्पकमल दाहाल ‘प्रचण्ड’, नेता माधवकुमार नेपाल, उपप्रधान तथा रक्षामन्त्री ईश्वर पोखरेल, नेता देव गुरुङलगायत काठमाडौंको ह्याम्स अस्पताल पुगेका हुन् । अधिकारी दुई महिनायता उपचाररत छन् ।

ललितपुरको मेडिसिटी अस्पतालमा एक महिना प्रयास गर्दा पनि स्वास्थ्यमा सुधार नआएपछि दुई सातायता उनलाई ह्याम्स अस्पतालमा सारिएको छ । अधिकारीको १६ दिनदेखि भेन्टिलेटरमा राखेर उपचार भइरहेको थियो । अधिकारीको स्वास्थ्यमा सुधान नहुने अवस्था देखिएको भन्दै भेन्टिलेटरबाट हटाउने तयारी भइरहेको छ ।

अधिकारीको शुक्रबार साँझदेखि पिसाब रोकिएको थियो भने अस्पतालले शनिबार दिउँसो साढे ४ बजे पत्रकार सम्मेलन गरेर स्वास्थ्य अवस्था क्रिटिकल रहेको जनाएको छ ।

प्रकाशित समय २१:३४ बजे