नेपाल यातायात व्यवसायी राष्ट्रिय महासंघले पेट्रोलियम पदार्थको मूल्यवृद्धि फिर्ता लिन सरकारलाई ४८ घण्टाको अल्टिमेटम दिएको छ । दशैं, तिहार, छठ जस्ता चाडपर्व सुरु हुन लाग्दा पेट्रोलियम पदार्थको मूल्यवृद्धिले सवारी साधन चलाउन कठिन हुने भन्दै महासंघले पेट्रोलियम पदार्थको मूल्यवृद्धि फिर्ता लिन सरकारलाई ४८ घण्टाको अल्टिमेटम दिएको हो ।

महासंघका अध्यक्ष योगेन्द्रनाथ कर्माचार्यले बुधबार विज्ञप्ति निकालेर मूल्यवृद्धि तत्काल फिर्ता लिन माग गरेका छन् । मूल्यवृद्धि फिर्ता नभए दशैंका लागि टिकट बुकिङ खुला नगर्ने महासंले चेतावनी दिएको छ ।

व्यवसायी र सरकार असोज ५ गते अग्रिम बुकिङ खुला गर्न सहमत भएका थिए । तर, सोमबार पेट्रोलियम पदार्थको मुल्य बढेपछि महासंघले बुकिङ खुला नगर्ने चेतावनी दिएको हो ।

प्रकाशित समय १४:५४ बजे