पोखरामा गण्डकी प्रदेश सरकारले मंगलबार प्रभातफेरी लगायतका विभिन्न कार्यक्रम गरी संविधान दिवस मनाएको छ । गण्डकी प्रदेशको मुख्यमन्त्री परिषदको कार्यालयबाट सुरु भएको प्रभातफेरी पोखराका विभिन्न भाग परिक्रम गरी शहिदपार्कमा पुगेको थियो । शहिद स्मारकमा माल्यार्पण गरी जिल्ला समन्वय समितिको हलमा पुगेर कार्यक्रम समापन भएको हो ।

कार्यक्रममा गण्डकी प्रदेश प्रमुख बाबुराम कुँवर, मुख्यमन्त्री पृथ्बीसुब्बा गुरुङलगायतका मन्त्री, सांसद तथा उच्च पदस्थ व्यक्ति, तीनवटै सुरक्षा निकाय अधिकारी, कर्मचारी, विभिन्न संघ-संस्थाका पदाधिकारी एवं नागरिकको सहभागिता थियो ।

कार्यक्रमका सहभागीले संविधानको सफल कार्यान्वयनका लागि सबै पक्ष जिम्मेवार हुनुपर्नेमा जोड दिए । संविधानको मर्म र भावनाअनुसार कार्यान्वयन गर्नसकेमात्र संविधान दिवस मनाएको सार्थक हुने उनीहरुले बताए ।

प्रकाशित समय १५:०१ बजे