फर्निचर तथा फर्निसिङ एक्स्पो (फर्नेक्स) २०१८ बिहीबारबाट राजधानीमा सुरु भएको छ । नेपाल चेम्बर अफ कमर्सका अध्यक्ष डा. राजेशकाजी श्रेष्ठले विशेष समारोहबीच एक्स्पोको उद्घाटन गरेका छन् ।

नेपाल फर्निचर तथा फर्निसिङ सघले आयोजना गरेको एक्स्पो असोज ८ सम्म चल्नेछ । सयभन्दा बढी स्टल रहेको प्रदर्शनीमा स्वदेशी तथा विदेशी ख्यातिप्राप्त फर्निचर सामग्री प्रदर्शनीमा राखिएको फर्निचर तथा फर्निसिङ संघका अध्यक्ष राजेश अग्रवालले जानकारी दिए ।

किचन, बेडरुम र बाथरुमका साथै आउटडोर फर्निचर, इन्टेरियर डिजाइनर, कार्पेट, मार्बल, पर्दा, म्याट्रेस, डेकोरेसन सामग्री, होम डेकोर, अफिस फर्निचर, होम अप्लाएन्सेस र मेसिनरी औजारका साथै वास्तुसँग सम्बन्धित उत्पादन प्रदर्शनीका मुख्य आकर्षण बनेका छन् ।

एक्स्पोको छैटौं संस्करणको व्यवस्थापक इभेन्ट सोलुसन प्रालि रहेको छ भने प्रवर्द्धन नेपाल उद्योग वाणिज्य महासंघ, नेपाल चेम्बर अफ कमर्स र नेपाल फर्निचर तथा फर्निसिङ व्यवसायी महासंघले गरेका छन् । संघले २०१२ देखि नियमित रुपमा एक्स्पो आयोजना गर्दै आएको छ ।

(तस्बिर ः सुनिल प्रधान)

प्रकाशित समय १७:०९ बजे